పోయిన నా వాచీ  ని తలచుకొని

'వాచీ' బాగు చేయు వారి చుట్టూ

తిరగ

లేని వాని కేందుకోయి మోజు

వాచీ పెట్టుకోకు వదులుకో ఆశలు

దినకరుండే నీకు దిక్కు 'సూరి '

చదువలేదు మరల శాస్త్రాలు బడిలోన

తరము గాదు నేర్వ తన్ని నాను

లోన మర్మ మేరుగాలేని వాచీ పైన

ఎందు కాశ పల్లకుండు 'సూరి '

పెద్ద పెద్ద వాళ్ళు పెట్టారు ఫేక్టరీల్

బుద్ధి లేని వారి బుర్ర కొట్టి

వద్దు వాచీ ,తెచ్చుకో బుద్ధి ఇకనైన

మిల్లు వీధి కెళ్ల వద్దు 'సూరి'

నాది నాది అనేడి ఆశ ను విడనాడి

రాని దాని తలపు మాన వోయి

పోయి నట్టి వాచీ పోలేదను కుంటూ

హాయి గా ఉండవోయి 'సూరి'!

భరత నారి

ఝాన్సీ లక్ష్మీ బాయి

లేవమ్మా! భరత నారి

లేవమ్మా

జాతి,గీతి నియమం

తాతల నాటివి - ఈ మాటలు

తలపోయక ఇక లేవమ్మా 11 లేవమ్మా 11

మూతికి ముక్కుకి చేతికి

కొతిలాగ బంగారం - తీసి

పారవై వమ్మా- వ్యా

పారాలకు సాయమియ్యి 11 లేవ్లమ్మ 11

ఆశలు ఆనందాలు ,ఆలోచన

లాశాయలు అందరికుండాలే

సములై స్త్రీ పురుషులు

సముద్రాన్ని ఈ దాలె 11 లేవమ్మా 11

తేరా చాటున కూర్చుంటే

తరమా మా మగవారికి - మన

భరత మాత సేవ చేయ !

ధరనేవ్వరు దున్ను వారు

మరలేవ్వరు త్రిప్పు వారు

ఆఫీసులో కూర్చొని

ఆర్డరు లేవరిస్తారు : 11 లేవమ్మా 11

నీ బుద్ధి బలం

నీ చేతి కలం

వృధా గా పోనివ్వకు

మానవ జాతికి

మన మాద్ధారం - మరువకు

మన గాంధి సిద్ధాంతం

ప్రపంచంలో యుద్ధాంతం 11 లేవమ్మా 11

ఏమిటిది -?

చచ్చిన వాడికి గౌరవమెంతో

ఇచ్చి ఊరేగించు తారు

బ్రతికున్న వారి స్తితి గతులేంటో

బొత్తిగా విచారించ కున్నారు

కూడు గుడ్డ లేక మనుషులు

మాడి పోతున్నారు

రాయి, సున్నం కొనుకొచ్చి

మేడలు కట్టిస్తున్నారు

చదువు సంధ్య లేక పిల్లలు

చెడిపోతున్నారు

బదులు పెట్టి సంఘం ఎందుకు

బాగు చేయకున్నారు

చదువు

ధన సంపదల గూర్చి ,

దారిద్ర్యమును బాపి ,

ఘనమైన జ్ఞాన జ్యోతిని

ప్రజ్వలించేటి .

చదువే నిజముగ చదువురా

మదినేరిగి నేర్చుకోనరా

నిరు పేదలను చూసి

కరిగి పొయ్యే గుండె

తరగ కుండా నిచ్చే

పరమ పావని విద్య

అదియే నిజమగు విద్యరా!

మదినేరిగి నేర్చు కొనరా !

ప్రయాణం

ఈ ఇసుక తిన్న్నే పై

నే నడుస్తున్నాను

అడుగు జాడలు

ఎంత కాలమున్టయ్యో!

ఈ ఎడారికి నే నేన్దుకోచ్చానో

నడచి నడచి కాళ్ళు మడత పడతయ్యి

వేరు వేరుగ చీలి దారులున్నాయి

ఎ దారి వెళ్ళాలి ? ఏది నా ఊరు

ఆసుపత్రి

ఆసుపత్రి మంచం లో

ఆనుకుని పడుకున్నా-

అంతా బాగానే ఉందీ లోకంలో

సూర్యు డుదయించాడు

చుట్టూ తిరిగొస్తాడు

చందా మామను చూచి

చటుకున దాగుంటాడు

మోటారు లేళ్ళు తాయి

మేఘాలు కమ్మినాయి

కాఫీ హోటల్ లోన

గ్రామ ఫోను పాడుతుంది

ఆనందం గా ప్రజలు

అటూ ఇటూ తిరుగుతారు

కష్టా లేంటో వారికి

జ్ఞాపకమే రావు -

నేనున్నా! లేకున్నా !

తానేమీ ఆగకుండా

పరిగేట్ట్టే ప్రపంచం లో

నే పుట్టనేల

నీకు జోహారు

ఎ వూరు? ఎ జాతి ? ఎప్పు డో

చ్చావిటకు

ఎందుకీ మిట మిటలు బాబు

నోరులేని కొండ కోయ

జాతుల 'ముండో'

కొట్టి బ్రతుకు బాబు

ఈ మేడ లీ కారు లెవరు

కొని పెట్టారు బాబు

ఏ కృషి కి ఫలితమిది బాబు

బీద రైతుల కాయ కష్టమును

దోచుకొని

ధన మార్జనము చేయు బాబు

నీ తండ్రి, నీ తాత నీదు ముత్తాతలు

దోపిడీ దారులోయ్ బాబు

ఇనుప పెట్టెలలోన ధనముంచు

కొని ఉన్న

దొంగ మూకలు దొడ్డ బాబు

కోర్టు కచ్చేరీలు నీ కోసమే నీవు

నిర్మించు కున్నావు బాబు

ధనము లేని వాడు దగరకు పోలేడు

నీకు జోహారులోయి బాబు!

P.S.'ముండో' -ఒరియా భాష లో 'తల'

కర్తవ్యం

ఎదోరీతిని నా

కాధారము కల్పిస్తావని

సోమరినై కూర్చొని , నిను

స్మరణ చేయుటో!

పరుల నోరు కొట్టి ,సొమ్ము

పోగు చేసి దాచిపెట్టి

కొండలన్నీ కొట్టుకొచ్చి

గోపురాలు కట్టు టో !

మేడలలో నుంటూ

మూడు పూటలు తింటూ

హయిగాను సంపదలను

అనుభవించు టో !

జీవిత కర్తవ్యమేదో తోచకున్నది

గబగబ జీవిత కాలం గడచుచున్నది